|
|
AA. VV.
Documenti sul monte Faito
(1230-1550)
*
[Decreto della Curia Imperiale di Federico II]
In
nomine Domini
Dei aeterni,
et Salvatoris
nostri
Jesu
Christi anno
ab Incarnatione ejusdem
millesimo
ducentesimo
trigesimo, mensis
Septembris IV.
Indictionis,
Imperante
Domino
nostro
Federico
Dei
gratia
invictissimo Romanorum
Imperatore
semper
Augusto,
Hierusalem,
et Siciliae
Rege, imperii ejus
anno
decimo,
Regni
Hierusalem V.,
vero
Regni
Siciliae
XIII.
feliciter. Amen.
Dum nos Herricus de Morra magnae Imperialis Curiae Magister Justitiarius olim in Castris prope Cepparanum, ubi erat Dominus
Imperator,
de speciali
mandato
ipsius, pro quaestione infrascripta Nobis facta
Curiam regeremus assistentibus nobiscum
Simone, et Herrico de
Tocco,
Roffido de
Sancto
Germano,
et
Petro
de Vineis
ejusdem
magnificis
Judicibus proposuit
Petrus
Archidiaconus Stabiensis pro parte
Episcopi
Stabiensis,
nomine
ipsius
Episcopi,
et Ecclesiae
suae, cujus
procurator,
et oeconomus est,
quod
constitit
contra
Guarnerium,
quod ipse
possidet, et
tenet
Ecclesiam S.
Angeli
de Monte
Aureo
ad
ipsum
Episcopum, et Ecclesiam suam Stabiensem de jure spectantem, quam Ecclesiam dictus Episcopus assignavit custodiendam
tempore
turbationis Henrico Theutonico
olim
Castellano
Castrimaris pro servitio,
et honore D. Imperatoris, ne per ipsam Ecclesiam, et
loca,
in quo
sita
est
dicta Ecclesia,
ipse
D.
Imperator,
vel
fideles
sui possent in aliquo damnifacari; unde
cum turbatio
cessavit, et dicta Ecclesia
spectet
ad Episcopum, et ad Ecclesiam suam, sicut praedictum est, petiit
nomine dicti Episcopi
ipsam Ecclesiam
a dicto
Guarnerio sibi restitui
cum omnibus
justis rationibus, et pertinentiis suis,
salvo
jure,
etc.
Guarnerius litem
contestando
respondit dicens, se ipsam petitam Ecclesiam
tenere cum
pertinentiis suis, ignorat tamen Ecclesiam petitam ad
Episcopatum, et Ecclesiam Stabiensem pertinere, salvis
omnibus
rationibus suis. Lite igitur
contestata,
praefatus Guarnerius constituit procuratorem suum magnificum
Benedictum de
Isernia,
et
ex
parte
vero
praefati Archidiaconi ad probandum de jure Ecclesiae fuerunt
quaedam instrumenta in judicio praesentata, in
uno
quorum vidimus contineri, qualiter olim Barbatus Surrentinae
Ecclesiae Archiepiscopus concessit dictam
Ecclesiam S.
Angeli
cum
omnibus
pertinentiis
suis
Gregorio
tunc temporis Episcopo Stabiensi, inter caetera, quae eidem
Episcopo concedebantur. In secundo
instrumento
similiter vidimus
denotari,
qualiter idem Barbatus Surrent. Archiepiscopus inter caetera,
quae concessit
Sergio
tunc temporis Episcopo
Stabiensi, concessit nominatam Ecclesiam supradictam
S.
Angeli
cum
omnibus suis pertinentiis.
In
tertio
instrumento
similiter continebatur, qualiter Urso Archiepiscopus Surrentinus
Johanni Episcopo Stabiensi eamdem
Ecclesiam S.
Angeli
cum
pertinentiis suis concessit. Praesentavit etiam idem
Archidiaconus
quoddam
scriptum Palmerio
Venerabili
Episcopo Castrimaris indultum olim a Domino
nostro Serenissimo
tunc
Rege,
in quo continebatur expressum,
quod
idem
Dominus
noster concessit, et confirmavit praedicto Episcopo
Ecclesiam
S.
Angeli
cum
omnibus pertinentiis, et tenimentis suis secundum
quod
idem Episcopus,
et Ecclesia sua unquam melius tenuit, et possedit. Ostendit etiam
privilegium D.
nostri
Imperatoris, in quo manifeste vidimus contineri,
quod
idem D. noster
Imperator
post felicem coronationem
suam
concessit, et confirmavit
Ecclesiae Stabiensi, et Palmerio praedicto
Episcopo
Ecclesiam S.
Angeli, quam
praedecessores ejus possederant. Ostendit igitur
Imperiales
literas missas olim Abbati Matthaeo, in quibus continebatur, quod D. Imperator tradiderat eamdem
Ecclesiam S. Angeli, quam
spectare credebat ad sua Regalia; et quia Venerabilis Stabiensis Episcopus
quaedam privilegia, et authentica scripta D. Imperatoris ostendit, qualiter
praedicta
Ecclesia S. Angeli
ad ipsum spectaret de jure, visis rationibus Episcopi, mandavit D.
Herricus de Morra magnae Imperialis Curiae Magister Justitiarius.
Ego Simon Magnae Imperialis Curiae Notarius.
Ego Roffedus de S. Germano magnae Imperialis Curiae Magister Justitiarius.
(De Stabiis, Stabiana Ecclesia, et Episcopis ejus. Auctore F. Pio-Thoma Milante, Napoli 1750, pp. 119-122)
*
[Sentenza
per conto della Curia Metropolitana Sorrentina]
In nomine Domini Dei Salvatoris nostri Jesu Christi.
Anno ab Incarnatione ejus millesimo ducentesimo sexagesimo sexto, et secundo anno regnante Domino nostro Carolo Dei gratia gloriosissimo Rege ... Ducatus Apuliae, et Principatus Capuae, Andegaviae, Provinciae, et Foicalqueriae Comite, die secundo mensis Decembris X. Indictionis apud Surrentum. Ex hujus scripti serie pateat universis, et singulis, qualiter Ecclesia Surrentina vacante, et ex consuetudinario jure Capituli ejusdem Ecclesiae tam in Ecclesiasticis, quam in suffraganeis ejusdem Ecclesiae jurisdictionem habente, ad petitionem viri nobilis Joannis Vulcani patris, et legitimi administratoris, procuratoris, seu actoris nobilis viri D. Landolfi Clerici filii sui Rectoris S. Petri ad Curtim Regiae Cappellae Salernitanae, idem Capitulum discretis Viris Abbati Joanni Spasiano, Abbati Marino, dicto Domno Marino, Magistro Joanni Curiali, et Magistro Bartholomaeo de Porta Canonicis eorum causam, quam idem D. Landolfus Clericus pro parte dictae Cappellae habebat super Ecclesia S. Angeli de Monte Aureo contra Dominum Joannem Venerabilem Episcopum Stabiensem suffraganeum jam dictae Surrentinae Ecclesiae terminandam commisit, cujus commissionis tenor talis est. Nobilibus, et discretis viris Domnis Joanni Spasiano, Abbati Marino Domni Marini, et Magistro Joanni Curiali, et Bartholomaeo de Porta Canonicis Surrenti dilectis sociis ejusdem Capituli Surrentini salutem, et sinceram in Domino charitatem. Nuper pro parte nobilis viri D. Landolfi Clerici filii Joannis Vulcani de Surrento Rectoris EEcclesiae S. Petri ad Curtim Regiae Cappellae Salernitanae fuit exposition coram nobis, quod Venerabilis Dominus Joannes Episcopus Stabiensis suffraganeus Ecclesiae Surrentinae tenet, et possidet Ecclesiam S. Angeli de Monte aureo cum possessionibus, et pertinentiis suis ad praedictam Cappellam S. Petri rationabiliter pertinentem, quam causam vobis ut supra committimus per praesentes, quatenus partibus in vestra praesentia convocatis vice nostra causam audiatis eandem, et ipsam fine canonico terminetis, facientes quod exinde decreveritis per censuram Ecclesiasticam observari, inde perjuros testes, aut qui fuerint nominati, si se gratia, odio, vel timore subtraxerint, simili censura cogatis authoritate testimonium perhibere. Scriptum Surrentinae Ecclesiae, cujus authoritate commissionis constituto in praesentia praedictorum Cognitorum legitima a Canone praemissa monitione praefato Domino Episcopo Stabiensi, praedictus Joannes Vulcanus de Surrento legitimus administrator, procurator, seu actor Landolfi Vulcani Clerici filii sui Custodis, et Rectoris Ecclesiae S. Petri ad Curtim Regiae Cappellae, de qua constat, contra Dominum Episcopum Stabiensem pro parte majoris Ecclesiae Stabiensis, dicens quod idem Dominus Episcopus tenet, et possidet nomine dictae Ecclesiae suae Ecclesiam S. Angeli cum pertinentiis suis, quam Ecclesiam S. Angeli idem Joannes tanquam de juribus dictae Cappellae S. Petri spectare ad ipsam Cappellam dixit, et propterea dictus Administrator, procurator, vel actor nomine dicti Landolfi Clerici filii sui dictam Ecclesiam cum juribus, et pertinentiis suis sibi restitui, et adjudicari petit, et supradicto Domino Episcopo super eadem Ecclesia Sancti Angeli perpetuum silentium imponi, et hoc petit cum omnibus juribus, et fructibus perceptis, et omni causa, salvo jure Ecclesiae etc. Dictus vero Dominus Episcopus recepto libello litem contestando respondit, quod tenet et possidet praedictam Ecclesiam S. Angeli cum possessionibus, rationibus, juribus, et omnibus pertinentiis suis; Verumtamen proposita negavit, prout proposita sunt, salvis omnibus rationibus, et exceptionibus suis. Lite igitur contestata, praestitoque de veritate dicenda a partibus juramento, factis positionibus, et responsionibus hinc inde, datoque termino partibus ad probandum, productis ab utraque parte testibus, et aliis probationibus, ac percunctandi facta ipsis exinde copia, Rubricis assumptis, ac disputatione habita super efficacia probatorum, et servatis omnibus, quae in judicio requiruntur, demum hinc inde renunciatum extitit et conclusum; et insuper instatum ferri sententiam: dumque hoc postularetur, supradicti vero Cognitores probationibus utriusque partis, et causae bene visis in scriptis, et super eis cum praedicto Capitulo Surrentino, et aliis Sapientibus habito diligenti consilio, quia praedictus Joannes Vulcano de intentione sua aliquid non probavit, non obstante quodam instrumento, de quo inter alia idem Joannes intendebat probare praedictam Ecclesiam S. Angeli ad praedictam spectare Cappellam, cum inquisitione, quam idem instrumentum continet, factam fore per homimes Castrimaris, authoritate, seu mandato ... ad petitiones Abbatis Gualterii Joncatae nepotis Domini Joannis de Procida tunc Consiliarii, et familiaris dicti Domini Magistri asserentis dictam Ecclesiam S. Angeli ad dictam pertinere Cappellam, quam dictus Abbas ex concessione dicti quondam Domini Magistri tenebat, constitit dictis Cognitoribus factam fùisse authoritate, seu mandato dicti Domini Magistri, et quascumque concessiones, et donationes factas ab ipso Domino Magistro exprivilegiavit, excommunicationis proferendo sententiam ipso facto incurrendam in eos, qui aliquas Ecclesias, aut Cappellas ab ipso Domino Magistro tunc per eandem Sedem vinculo innodato, seu de ejus, aut suorum officialium mandato, aut favore receperint, prout plene constitit exinde cognitoribus supradictis; et e contra praedictus Dominus Episcopus Stabiensis de exceptionibus ei oppositis plene probavit per multos testes omni exceptione majores Privilegia, et etiam instrumenta, et specialiter quae ex antiquo, et ab eo tempore, cujus memoria in contrarium non existit; praedicta Ecclesia S. Angeli cum omnibus suis pertinentiis, et possessionibus pertinuit, et pertinet ad praedictam Ecclesiam Stabiensem; et quia ipsam Ecclesiam S. Angeli praedecessores dicti Domini Episcopi, qui pro tempore fuerunt, nomine praedictae Stabiensis Ecclesiae tenuerunt, et possederunt, et eam nunc idem Episcopus tenet, et possidet. His, et aliis rationibus praedicti Cognitores inducti eundem Dominum Episcopum pro parte dictae Ecclesiae suae, et ipsam Ecclesiam ab impetitione proposita absolverunt sententialiter, et in scriptis dicto Joanni Vulcano legitimo administratori, procuratori, seu actori praedicti Domini Landolfi Vulcani Clerici filii sui Rectoris praedictae Regiae Cappellae super jam dicta Ecclesia S. Angeli pleno jure ad praedictam Stabiensem Ecclesiam pertinere. Unde ad futuram rei memoriam, et cautelam praedictorum Domini Episcopi, et Ecclesiae Stabiensis praesens publicum Instrumentum exinde factum est per manus Jacobi Casamarte publici Surrentini, et Actorum ipsius Joannis Notarii signo suo signatum, ac subscriptionibus praedictorum Cognitorum, ac subscriptorum testium roboratum. Quod scripsi ego praedictus Jacobus Casamarte publicus Surrentinus Actorum praedicti Joannis Notarius, qui omnibus supradictis interfui, et meo solito signo signavi. Datum in Majori Ecclesia Surrentina Anno, mense, die, et Indictione praescriptis.
Locus signi
Ego Joannes Spasianus Canonicus Ecclesiae Surrentinae subscripsi, etc.
(De Stabiis, Stabiana Ecclesia, et Episcopis ejus. Auctore F. Pio-Thoma Milante, Napoli 1750, pp. 123-126)
*
[Bolla di Innocenzo VIII]
Ecclesiam S. Angeli de Monte Aureo Stabiensis Dioecesis, etc.
(De Stabiis, Stabiana Ecclesia, et Episcopis ejus. Auctore F. Pio-Thoma Milante, Napoli 1750, pp. 126-127)
*
[Breve
di Paolo IV]
Paulus Episcopus Servus servorum Dei Venerabili Fratri Episcopo Castelli maris salutem, et Apostolicam benedictionem.
Cum a Nobis petitur quod justum est, et honestum, tam vigor aequitatis, quam ordo exigit rationis, ut id per solleciludinem officii nostri ad debitum producatur effectum: sane pro parte tua fuit propositum coram nobis, quod alias Venerabilis Frater Gualterius de Palle Episcopus Catanensis Regni Siciliae Cancellarius dictum Regnum, et Jura Regia visitans, et reperiens, tam per Regia, quam Apostolica indulta, et litteras Apostolicas desuper confectas Ecclesiam S. Angeli de Monte aureo una cum omnibus, et singulis pertinentiis suis Ecclesiae Stabiensi perpetuo unitam esse, et per praedecessores Episcopos Stabienses fundatam, et tamquam unitam dictae Ecclesiae Stabiensi possessam fuisse. Ideo sufficienti ad id facultate, et auctoritate suffultus ipsam Ecclesiam S. Angeli eidem Ecclesiae Stabiensi ut unitam dimisit, omnemque litem, et controversiam forsan pendentem ad se advocavit, amovit, et extinxit, et alia fecit, prout in publico instrumento, seu aliis scripturis desuper confectis latius, et plenius dicitur contineri. Quae omnia Tu, qui, sicut asseris, in eadem possessione in praesentiarum existis pacifica, et quieta, praemissa omnia pro eorum subsistentia firmiori a Nobis petiisti munimine roborari. Nos itaque tuis in hac parte supplicationibus inclinati ea, quae per praedictum Gualterium Episcopum super his rite, et recte facta sunt, et in alicujus praejudicium non redundant, rata, et grata habentes Apostolica auctoritate confirmamus, ac praesentis scripti patrocinio communimus. Nulli ergo omnino hominum liceat hanc paginam nostrae confirmationis, et communitionis infringere, vel ei ausu temerario contraire. Si quis autem hoc attentare praesumpserit, indignationem Omnipotentis Dei, ac Beatorum Petri, et Pauli Apostolorum ejus se noverit incursurum. Datum Romae apud S. Petrum anno Incarnationis Domini Millesimo Quingentesimo Quinquagesimo IV. Id. Decembris, Pontificatus nostri Anno III.
(De Stabiis, Stabiana Ecclesia, et Episcopis ejus. Auctore F. Pio-Thoma Milante, Napoli 1750, pp. 127-128)
(Da:
De Stabiis, Stabiana Ecclesia, et Episcopis ejus. Auctore F. Pio-Thoma Milante, Neapoli MDCCL)(Fine)
|
|
Altri Documenti |
Buon Viaggio con
|
